טייערע ברודער,

איך אפעליר צו דער עולם. ווער בין איך צו אפעלירן? די פאקט איז אז איך האב באקומען גאר אסאך חיזוק במשך די לעצטע פינף חדשים דורך די ענגלישע וועבזייטל. גאר אין אהנהייב איז דארט געווען אביסל טויטלעך, במשך פון א גאנצע טאג איז אפשר געווען 20 פאסט'ס. איך האב געהאלטן אז דארט איז נישטא מער ווי צוויי דריי חברה, און איך האב נישט וואס צו זיכן. במשך די צייט איז דארט געווארן לעבעדיג, ווי גאר אסאך נייע אין אלטע מעמבערס האבן זיך געדרייט דארט אין געזיכט צו העלפן אנדערע און ווערן אליינס געהאלפן.

ידידי הרב בעלמאנט האט מיר געטראפן דארט און מיר געבעטן אהער צו קומען מחזק זיין די אידישע סייט, נאך איך האב שוין געהאלטן ביי מער ווי 90 טעג. איך בין אהער געקומען. למעשה ווען איינער קומט אהער זעהט ער א בית החיים. קיינער שרייבט נישט קיינער איז נישט מגיב.

ווילאנג דא וועט נישט זיין א כסדר'דיגע דיסקאסיע וועלן די אידיש רעדנדע נישט האבן קיין מקום ווי זיך צו העלפן. אין הכי נמי אז מען קען זיך העלפן אויף די ענגלישע זייטל, אבער די מציאות איז אז אפילו דיע וואס פארשטייען גוט ענגליש, אויב זייער ערשטע שפראך איז אידיש און ער איז א היימישע איד וועט ער מער זיין באקוועם אין א חברה וואס רעדן זיין שפראך. דאס קען מען זיך באווייזן פון די אלע אידישע בלאגס, וואס כאטש עס איז דא טויזענעטער בעסערע ענגלישע בלאג, דרייען זיך די אידישע רעדנדע אין די אידישע בלאגס.

ואשר על כן, וויל איך מעורר זיין סיי פאר דיע וואס פילן אז זיי דארפן נישט מער צופיל שרייבן דא, און סיי פאר דיע וואס פילן אז יעצט האלט איך ביי דורכפאל און איך בין נישט דערביי צו שרייבן: שטארק דיך אין פראביר כאטש דריי פיר מאל א וואך אהערצוקומען און צושרייבן און מחזק זיין און מיטקרעכצן, אז ווען איינער קומט אהער זאל ער טרעפן דא אז די פלאץ לעבט און מען קען באקומען חיזוק און סאפארט צו קענען ווייטער גיין.